Մեր առօրյան

Քաջարանի թիվ 2 միջնակարգ դպրոցի 10-րդ դասարանի աշակերտների, ծնողների և դասղեկ Կ. Զախարյանի այցը Սիսիան

 

****

12.04.2017թ Քաջարանի թիվ 2 միջնակարգ դպրոցի XΙΙա  դասարանի 10 աշակերտուհիներ այս անգամ հյուրընկալվել էին ԶՊՄԿ ՓԲԸ-ի թիվ 2 «Գտնված երազ» մանկապարտեզ, հայեցողական ժամերի շրջանակներում: Այցի նպատակն էր ծանոթանալ մանկապա

րտեզի կառուցվածքին, աշխատանքային սկզբունքներին, առօրյային:

Աշակերտուհիներին ընդունեց տնօրեն Նաիրա Գևորգյանը: Նա բացատրեց մանկապարտեզի կառուցվածքը, աշխատանքի բնույթն ու կազմակերպման առանձնահատկությունները: Շրջեցին բոլոր խմբերում, մասնակցեցին պարապունքներին, ծանոթացան աշխատակիցների և երեխաների անհատական աշխատանքներին:

Տնօրենը հանգամանալից բացատրեց մանկապարտեզի հոգեբանի, դաստիարակի, դաստիարակի օգնականի, խոհարարի, երաժշտի և այլ աշխատակիցների աշխատանքի բնույթը: Հատկապես շեշտեց թիմային աշխատանքի արդյունավետությունը:

Ճիշտ է, աշակերտներն արդեն ընտրել են իրենց ապագա մասնագիտությունները, սակայն տպավորություններն այնքան մեծ էին, որ մի պահ վարանեցին ու երազեցին ապագայում աշխատել «Գտնված երազ» մանկապարտեզում:

Հրաժեշտին խոստացան հանդիպել երեխաներին դպրոցական «Հրաժեշտի դասի» շրջանակներում:

  

******

15.03.2017 թ-ին Քաջարանի թիվ 2 միջնակարգ դպրոցի XІІ դասարանի աշակերտները հայեցողական դասաժամը անցկացրել են Քաջարանի քաղաքապետարանում: Աշակերտները նպատակ ունեին ծանոթանալու համայնքի ղեկավարման կառուցվածքին և սկզբունքներին:

Աշակերտներին ընդունեց փոխքաղաքապետ Կ. Թադևոսյանը: Նա բացատրեց համայնքի ղեկավարման սկզբունքները, Քաջարանի համայնքապետարանի աշխատակազմի կառուցվածքը և ձևավորման մեխանիզմները, ֆինանսավորման աղբյուրները,  պատասխանեց աշակերտների հարցերին, այնուհետև աշակերտները խմբերով ծանոթացան ստորաբաժանումների աշխատանքներին:

Քաղաքաշինության, բնակարանային ֆոնդի շահագործման, կոմունալ տնտեսության և բարեկարգման, ծրագրերի և կանխատեսումների և կրթության, մշակույթի, սպորտի և սոցիալական հարցերի բաժիններում առավել ակտիվ քննարկումներով ու առաջարկություններով հանդես էին գալիս աշակերտները: Նրանք առաջարկեցին թղթի թափոնի և պլաստիկ տարաների հավաքման համաքաղաքային շաբաթօրյակ անցկացնել:

Աշակերտների մասնագիտական կողմնորոշումն ավելի ուղղորդված և ճիշտ կազմակերլու համար այցն արդյունավետ էր:

 

***