Բաց դաս

 

2018թ․ նոյեմբերի 9-ին 11-րդ դասարանի աշակերտները համայնքապետարանում “Արդարադատություն իրականացնող մարմիններ ”   թեմայով  բաց դաս անցկացրին։ Այն վարում էր Քաջարան համայնքի ղեկավարի իրավական գծով խորհրդական, փաստաբան Քրիստինե Մարտիրոսյանը։

Աշակերտները իրազեկվեցին ՀՀ-ում արդարադատություն իրականացնող մարմինների, դատական պաշտպանության, փաստաբանի դերի ու գործունեության մասին։ Ծանոթացան նաև  փաստաբանական ավարտված վարույթներին, դրանց ընթացակարգերին։

Դասն արդյունավետ էր, այն անցավ ակտիվ քննարկումների, հարց ու պատասխանի ձևաչափով։

Քրիստինե Մարտիրոսյանը նշեց, որ նման դասերն արդյունավետ և ուսուցանող են, նպաստում են գիտակից և իրազեկված քաղաքացու ձևավորմանը։

***

2018թ․ նոյեմբերի 9-ին 2ա դասարանի աշակերտները կազմակերպեցին դաս-միջոցառում «Ինչու է նոյեմբերը գույնզգույն» խորագրով։ Ներկայացրին համանուն տիկնիկային ներկայացում, որը նրանց նմանատիպ առաջին աշխատանքն էր։

Երեխաները ոգևորված և տպավորված էին իրենց ներկայացումով։

***

Ապրիլի 13-ին 7բ դասարանը իր ուսուցչուհու Կարինա Ավչիյանի հետ ռուսաց լեզվի ժամին ներկայացրեցին բաց դաս նվիրված տիեզերագնացության օրվան։ Աշակերտները պաստառների, սլայդ-շոուների միջոցով ներկայացրեցին նախօրոք ուսումնասիրված նյութը։

Դիտեցին առաջին թռիչքը դեպի տիեզերք տեսահոլովակը։ Դասը հագեցած էր հետաքրքիր նյութերով և տեղեկատվությամբ։

Կազմակերպիչ՝ Կ․ ԱՎՉԻՅԱՆ

 

***

Մարտի 14-ին 7բ դասարանը իրենց ուսուցչուհուԿարինա Ավչիյանի հետ ռուսաց լեզվի ժամին ուսումնասիրեցին երկրի գլոբալ էկոլոգիական խնդիրները, դիտեցին ֆիլմ պոլիէթիլենային տոպրակների վնասների մասին, որոնք հիմա արդեն մեծ աղետ են հանդիսանում Երկիր մոլորակի համար։
Աշակերտները ներկայացրեցին փոքրիկ ցուցահանդես՝ “Քաղաք, որտեղ ես կուզենայի ապրել” խորագրով։

***

2017թ հոկտեմբերի 26-ին 11-րդ դասարանում անցկացվեց գործնական դաս «Հասարակագիտություն» առարկայից։ Դպրոց էր հրավիրվել Քաջարանի քաղաքապետարանի իրավաբանական բաժնի պետ, փաստաբան, փաստաբանական պալատի անդամ Քրիստինե Մարտիրոսյանը։ Նա ներկայացրեց փաստաբանական ծառայության գործունեության հիմնական տեսակները, բացատրեց փաստաբանական պալատի կառուցվածքը, խոսեց հանրային պաշտպանության մասին։ Հանգամանորեն  բացատրեց փաստաբանական ծառայության հիմնական նպատակները։ Աշակերտները ակտիվ մասնակցում էին դասին։ Փաստաբանը սիրով պատասխանեց աշակերտների հարցերին։

Ս․ Վ․ Ստեփանյան

 

***

5բ և 6բ դասարան, մաթեմատիկայի դասաժամ. Ուսուցիչ` Շ. Հովհաննիսյան

 

Բաց դաս նվիրված Երկրի օրվան

   Երկրի օրը ապրիլի 22-ին նշելու ավանդույթը ծնվել է ԱՄՆ-ում 1970թ-ին: Տոնը հաստատվել է ՄԱԿ-ի Գլխավոր       Անսամբլեայի 63-րդ նստաշրջանում 2009թ ապրիլի 22-ին: 2010թ-ից սկսած այն նշվում է ամեն տարի ապրիլի 22-ին: Հյուսիսային կիսագնդում օրը նշվում է գարնանը, հարավային կիսագնդում՝ աշնանը:

Ապրիլի 21-ին Քաջարանի թիվ 2 միջնակարգ դպրոցի 4-րդ դասարանում Երկրին նվիրված բաց դաս են անցկացրել ԶՊՄԿ-ՓԲԸ Բնապահպանական բաժնի աշխատակիցները:

Աշակերտներին ներկայացվեց տոնի մասին համառոտ ինֆորմացիա, այնուհետև աշխատակիցները պատասխանեցին աշակերտների հարցերին: Դասի ավարտից հետո բաժնի պետ Հասմիկ Մկրտումյանը և մյուս աշխատակիցները աշակերտների հետ դպրոցի այգում տնկեցին եղևնիներ : Աշակերտները խոստացան լավ խնամել և մեծացնել նոր տնկած ծառերը: